Sjálfsmat: Seigla - spurningalisti

Spurningalistinn samanstendur af 21 spurningu þar sem þrjár spurningar fylgja hæfniþáttum sem taldir eru vera mikilvægir fyrir einstakling til að efla með sér seiglu.

Hæfniþættirnir eru:

• skynjun
• ná tökum á lífinu
• mynda tengsl
• bjartsýni og jákvæðni
• lausnamiðuð/miðaður
• heilbrigður lífsstíll
• trú á eigin getu

Þú finnur æfingar í verkefnakistunni undir hæfniþáttunum, ef þú hefur þörf fyrir að efla með þér seiglu.

Spurningalistann má nota á mismunandi vegu:

1. Innan fullorðinsfræðslu er heppilegt að nýta listann við sjálfsmat einstaklinga á námskeiðum í  seigluþjálfun. Spurningalistann er hægt að nýta á öllum stigum námskeiðs, til dæmis  í upphafi þegar verið er að kynna hæfniþættina, við kynningu á æfingum og í enda námskeiðs. Listinn er einnig hentugur sem matstæki í upphafi námskeiðs og aftur í lokin til að skoða hvort seigla einstaklinga hafi aukist. 
2. Leiðbeinandi á námskeiði getur lagt spurningalistann fyrir í upphafi námskeiðs til að greina þarfir þátttakenda hvað varðar seigluþjálfun. Leiðbeinandi getur síðan valið æfingar við hæfi eftir þarfagreininguna.
3. Við þjálfun má nota spurningalistann því hver fullyrðing í listanum tengist seiglu og vinna má með hvern og einn þátt með einstaklingi.
4. Mælt  er með að leiðbeinandi svari spurningalistanum sjálfur áður en hann leggur hann fyrir aðra.